მამია ბალახაძემ იუნკერებს და მსმენელებს წარმატებები უსურვა

სსიპ – დავით აღმაშენებლის სახელობის საქართველოს ეროვნული თავდაცვის აკადემიის მეთაური ბრიგადის გენერალი მამია ბალახაძე იუნკერთა სასწავლო ბატალიონის იუნკერებს, ოფიცერთა მომზადების საკანდიდატო კურსის და რეზერვის უმცროსი ოფიცრის ნებაყოფლობითი სამხედრო მომზადების პროგრამის მსმენელებს შეხვდა და ახალი სასწავლო წლის დაწყება მიულოცა.
შეხვედრის ფარგლებში აკადემიის მეთაურმა იუნკერებს და მსმენელებს წარმატებები უსურვა ახალი სასწავლო წლის დაწყებასთან დაკავშირებით და ყურადღება გაამახვილა პროფესიული განვითარებისა და ცოდნის მიღების მნიშვნელობაზე. მან აღნიშნა, რომ აკადემიაში სწავლა მნიშვნელოვან შესაძლებლობას წარმოადგენს ახალი ცოდნისა და გამოცდილების მისაღებად, პროფესიული უნარების გასავითარებლად და მომავალ საქმიანობაში მიღებული ცოდნის წარმატებით გამოყენებისთვის.
აკადემიის მეთაურმა იუნკერებს და მსმენელებს მოუწოდა, სასწავლო პროცესს მაქსიმალური პასუხისმგებლობითა და მოტივაციით მიუდგნენ, აქტიურად ჩაერთონ სასწავლო და პრაქტიკულ აქტივობებში და გამოიყენონ აკადემიაში სწავლის პერიოდი საკუთარი შესაძლებლობების განვითარებისათვის.