შსს-მ გამოძიება ძალადობის მუხლით დაიწყო შინაგან საქმეთა სამინისტროს ინფორმაციით, ბათუმში გარდაცვლილმა ერთ-ერთმა ახალგაზრდამ, მომღერალმა გიორგი ხაჭაპურიძემ მიმდინარე წლის მაისში უწყებას განცხადებით მიმართა. ის აცხადებდა, რომ მის მიმართ ძალადობის მუქარას ჰქონდა ადგილი.
გიორგი ხაჭაპურიძის განცხადების საფუძველზე, შინგან საქმეთა სამინისტრომ გამოძიება სისხლის სამართლის კოდექსის 126-ე (ძალადობის) მუხლით დაიწყო. როგორც „კვირას“ უწყებაში განუცხადეს, აღნიშნულთან დაკავშირებით საგამოძიებო მოქმედებები მიმდინარეობდა.
„კვირას“ ინფორმაციით, გარდაცვალებამდე ცოტა ხნით ადრე ხაჭაპურიძე აცხადებდა, რომ მას კონკრეტული პირი აშანტაჟებდა.
გიორგი ხაჭაპურიძე და მისი მეგობარი ზვიო სახლთხუციშვილი დღეს ბათუმში, ხიმშიაშვილის ქუჩაზე, ერთ-ერთ საცხოვრებელ ბინაში გარდაცვლილები იპოვეს, ისინი ბათუმში, თბილისიდან, დასასვენებლად იმყოფებოდნენ. ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
„კვირა“