ქვემო ფონიჭალაში სპეცოპერაციის დროს, ნარკოტიკების რეალიზების ბრალდებით დაკავებული ძმები ჯაფაროვები წინასწარი დაკავების იზოლატორში გადაიყვანეს. ინფორმაციას “იმედინიუსი” ავრცელებს.
“პირველთან” საუბარში შს სამინისტროში აცხადებენ, რომ სამართალდამცველებმა 2 პირი სასამართლოს განჩინების საფუძველზე სისხლის სამართლის კოდექსის 260-ე მუხლით დააკავეს. აღნიშნული მუხლი გულისხმობს ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას,
შეძენას, შენახვას, გადაზიდვას, გადაგზავნას ან გასაღებას და ისჯება თავისუფლების აღკვეთით ვადით თერთმეტ წლამდე.
სპეცოპერაცია ერთდროულად ძმების ორ სახლში რამდენიმე საათის განმავლობაში მიმდინარეობდა.
ადგილზე ამ დრომდე რჩებიან კრიმინალისტები.
www.pia.ge
კომენტარები