მამა გიორგი ყველაფრისთვის მზად არის, – ამის შესახებ ”ინტერპრესნიუსს” ბრალდებულის, დეკანოზ გიორგი მამალაძის ძმამ, თორნიკე მამალაძემ განუცხადა.
მამალაძეს ჯერჯერობით უჭირს პროგნოზირება, თუ როგორი იქნება დეკანოზის განაჩენი, თუმცა აცხადებს, რომ ”თუ ამ ქვეყანაში სამართალი არსებობს, დეკანოზი უნდა გამართლდეს”.
”თუ საქართველოში სამართლიანობა არსებობს, აუცილებლად უნდა გამართლდეს. ასეთ სიტუაციაში ჩვენი ოჯახი პირველად აღმოჩნდა და დავინახავთ სამართლიანობა არსებობს თუ არა. რაც შეეხება მამაოს, ის ყველაფრისთვის მზად არის. ღმერთის იმედი გვაქვს და ვფიქრობთ, რომ მამაო გამართლდება”, – განაცხადა თორნიკე მამალაძემ.
დეკანოზის ოჯახი მისი განაჩენის გამოცხადების დროს სასამართლო პროცესს დაესწრება.
კომენტარები