16 სექტემბრიდან თურქეთში ქართული ხუროთმოძღვრების ძეგლის – პარხალის მონასტრის სარეაბილიტაციო სამუშაოები დაიწყება და პირველად, ამ პროცესში ქართული მხარე ოფიციალურად ჩაერთვება, – ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა.
“თურქეთში იმყოფებოდა კულტურის მინისტრი. 16 სექტემბრიდან დაიწყება ქართული ხუროთმოძღვრების ძეგლის – პარხალის სარეაბილიტაციო სამუშაოები. პირველად, სამუშაოებში ოფიციალურად ჩაერთვებიან ქართველი სპეციალისტები, კერძოდ სამხატვრო აკადემიის რესტავრატორები. ვფიქრობთ, ეს იქნება ძალიან კარგი ნაბიჯი, რათა მონასტერს პირვანდელი იერსახე შეინარჩუნდეს. მივესალმებით ამ ფაქტს. ეს არის ძალიან კარგი თანამშრომლობის შედეგი”,- განაცხადა კვირიკაშვილმა მთავრობის სხდომაზე.
კომენტარები