ამერიკის შეერთებული შტატების პრეზიდენტი ლონდონის მეტროში მომხდარ ტერაქტს Twitter-ზე გამოეხმაურა.
დონალდ ტრამპის შეფასებით, ტერორისტები ავადმყოფები და შეშლილები არიან და მათ წინააღმდეგ ბრძოლა უფრო უნდა გააქტიურდეს.
“ტერორისტების მიერ განხორციელებული მორიგი თავდასხმა ლონდონში. ეს ხალხი ავადმყოფი და შეშლილია. მათთან ბრძოლა უნდა გააქტიურდეს,“- წერს დონალდ ტრამპი.
აფეთქება “პარსონს გრინის” მეტროს სადგურთან, მატარებლის ვაგონში დღეს დილით მოხდა. ასაფეთქებელი მოწყობილობა სუპერმარკეტის ჩანთაში, კონტეინერში იყო მოთავსებული.
კომენტარები