პარიზის აეროპორტში ტერაქტის განგაში გამოცხადდა. მიზეზი აეროპორტში მისული მუქარის შემცველი ანონიმური შეტყობინება გახდა. სამართალდამცველებმა ასაფრენ ბილიკზე British Airways-ის თვითმფრინავი გააჩერეს და მგზავრების ევაკუაცია განახორციელეს. მოსალოდნელი ტერაქტების შესახებ მედიამ საიდუმლო მოხსენება მოიპოვა, რომელშიც ისლამისტების ახალ სტრატეგიაზეა საუბარი.
დოკუმენტის თანახმად, თავდასხმისათვის ცივი იარაღისა და სატრანსპორტო საშუალებების გამოყენებასთან ერთად, ტერორისტები მატარებლებისა და სარკინიგზო მაგისტრალების აფეთქებებს, ტყის ხანძრების მოწყობასა და სასმელი წყლისა და საკვები პროდუქტების მოწამვლასაც გეგმავენ. საიდუმლო ანგარიში ექსტრემისტული ჯგუფების პროპაგანდისტული მასალების ანალიზს ეფუძნება.
კომენტარები