ოდესის ოლქის ყოფილი გუბერნატორი და საქართველოს ყოფილი პრეზიდენტი მიხეილ სააკაშვილი კიევში აქციას მართავს.
მიხეილ სააკაშვილმა განაცხადა, რომ მისი მიზანი არა უკრაინის ხელისუფლებაში მაღალი თანამდებობის დაკავება, არამედ ოლიგარქიული სისტემის დანგრევაა.
”უკრაინელ ხალხს ეს უკვე მობეზრდა. ყველაფერი, რაზეც მე ვსაუბრობ, მხოლოდ მე რომ მეხებოდეს, მე უფრო მშვიდად ვიქნებოდი. მაგრამ უკრაინელ ხალხს დახმარება სჭირდება. ხელისუფლებას თავისი ადგილი უნდა მივუჩინოთ, ხელისუფლებას ხალხი უნდა აკონტროლებდეს. მე უკრაინაში არანაირი თანამდებობა არ მჭირდება. უკრაინაში ჩემი ერთადერთი მისია მდგომარეობს იმაში, რომ ხელისუფლებას თავისი ადგილი მივუჩინო და წინა პლანზე ხალხი წამოვწიო. მე პეტრო პოროშენკოსთან არანაირი პირადი კონფლიქტი არ გამაჩნია. მათ სურთ წარმოაჩინონ, თითქოს ორ ინსტიტუტისდროინდელ მეგობარს შორის რაღაც კონფლიქტი მიმდინარეობს. ეს სრული სისულელეა. პოროშენკო სისტემის მხოლოდ ერთი ნაწილია. ჩვენი მთავარი პრობლემა არა პოროშენკო, არამედ მთელი სისტემაა, რომელიც ოლიგარქებთან ერთად უკრაინას ანადგურებს”, – აღნიშნა სააკაშვილმა.