თეირანმა მორიგი ბალისტიკური რაკეტა გამოსცადა. ექსპერიმენტის ამსახველი ვიდეო მასალა ირანის სახელმწიფო არხმა გაავრცელა. ტელეკომპანიის ინფორმაციით, საუბარია “ხორამ-შარის” ტიპის ბალისტიკურ რაკეტაზე, რომელსაც ბირთვული ქობინის გადატანა და მიზნის განადგურება 2 ათასი კილომეტრ მანძილზე შეუძლია.
გაშვებამდე რამდენიმე საათით ადრე, ამ ტიპის რაკეტის პირველი დემონსტრირება თეირანმა სამხედრო აღლუმზე მოახდინა. აღლუმი ირანის პრეზიდენტმა ჩაიბარა და სამხედრო პოტენციალის გაზრდა დაანონსა.
ჰასან როუჰანმა დონალდ ტრამპის გაეროს გენერალურ ასამბლეაზე გაკეთებულ განცხადებებს უპასუხა და აღნიშნა, რომ თეირანი არა მხოლოდ სარაკეტო სისტემის, არამედ, სახმელეთო ჯარების, ავიაციისა და საზღვაო ძალების გაძლიერებაზე იწყებს მუშაობას.
კომენტარები