პაატა ბურჭულაძემ ლევან ვასაძესთან კონსულტაციები გამართა

„პაატა, ძალიან მიყვარხარ, მაგრამ თუ გაირკვა, რომ შენ შეფარულად მხარს გიჭერს სააკაშვილი, ხალხი ხელს ვეღარ ჩამოგართმევს-მეთქი“, – ამის შესახებ ბიზნესმენი ლევან ვასაძე გაზეთ „ასავალ-დასავალთან“ ინტერვიუში საუბრობს.
როგორც ვასაძე გამოცემის დღევანდელ ნომერში გამოქვეყნებულ ინტერვიუში აღნიშნავს, იგი მსოფლიო ბანის, პაატა ბურჭულაძის მეგობარია. ბიზნესმენის ინფორმაციით, სანამ ბურჭულაძე პოლიტიკურ მოძრაობას ჩამოაყალიბებდა, მანამდე ვასაძესთან სახლში იმყოფებოდა და კონსულტაციები გაიარა.
„პაატა ჩემი მეგობარია. ვიდრე პოლიტიკაში შემოვიდოდა, კონსულტაციისთვის ჩემთან, სახლში იყო ამოსული. პაატა ძალიან მიყვარს და ვურჩიე, რომ ეს არავითარ შემთხვევაში არ ექნა და პოლიტიკაში არ შემოსულიყო. იმიტომ რომ მე თავად პოლიტიკა არ მიყვარს და ვინც პოლიტიკაში მიდის, ყველა მეცოდება! მეორე – პაატას პოლიტიკაში შემოსვლის შესახებ მაქვს ჩემი აზრი და ვუთხარი კიდეც – პაატა, ძალიან მიყვარხარ, მაგრამ თუ გაირკვა, რომ შენ შეფარულად მხარს გიჭერს სააკაშვილი, ხალხი ხელს ვეღარ ჩამოგართმევს მეთქი… ძალიან არ მინდა დავიჯერო ის, რაც პაატას შესახებ მესმის! თავად, მას, მაშინ არაფერი უთქვამს! კიდევ ერთხელ ვიმეორებ – ძალიან არ მინდა იმის დაჯერება, რასაც პაატას შესახებ ამბობენ, მაგრამ გაოგნებული ვარ იმით, რომ გამოდის და „რუსთავი 2“-ს იცავს“, – აცხადებს ლევან ვასაძე გაზეთ „ასავალ-დასავალთან“ ინტერვიუში.