მაშინ, როდესაც ლიბანელი და ისრაელელი დიპლომატები დღეს ვაშინგტონში მოლაპარაკებებისთვის იკრიბებიან, ლიბანის პრეზიდენტმა, ჟოზეფ აუნმა განაცხადა, რომ ბეირუთი „არაფერს დათანხმდება ქვეყნის სამხრეთში ისრაელის ოკუპაციის დასრულების გარდა“.
„ბოლო დღეების მოვლენებმა დაადასტურა მოლაპარაკებების გაგრძელების ჩვენი არჩევანის სისწორე, რადგან ეს არის ეროვნული მიზნების მიღწევისა და ყველა უფლების აღდგენის ერთადერთი საერთაშორისოდ აღიარებული გზა“, – აღნიშნა აუნმა.
პრეზიდენტმა იმედი გამოთქვა, რომ ისრაელთან მოლაპარაკებების ახალი რაუნდი „გადამწყვეტი იქნება ჩვენი ქვეყნისა და ჩვენი ხალხის სასიკეთოდ იმ მიზნების მიღწევის გზაზე“, რაც გულისხმობს „ლიბანის სრულ სუვერენიტეტს მისი მიწის ყოველ სანტიმეტრზე“.
„დღეს ჩვენ ვამბობთ, რომ არაფერს დავთანხმდებით სამხრეთ ლიბანში ისრაელის ოკუპაციის დასრულების გარდა“, – განაცხადა აუნმა. „ჩვენი ერთადერთი არჩევანი ჩვენი ეროვნული სუვერენიტეტია“.