ოფიციალური ბაღდადის თხოვნით, ირანმა ერაყის ქურთისტანის რეგიონთან საჰაერო სივრცე ჩაკეტა.
“ირანის უზენაესი ეროვნული უშიშროების საბჭომ (SNSC), ერაყის მთავრობის თხოვნით, საჰაერო სივრცე და საჰაერო საზღვარი დროებით დაუხრა” – განაცხადა საბჭოს სპიკერმა ქიევან ხოსრავმა. მისი თქმით, ოფიციალურმა თეირანმა ეს გადაწყვეტილება იმიტომ მიიღო, რომ ერაყის ქურთისტანის ლიდერმა რეფერენდუმზე უარი არ თქვა.
ამ გადაწყვეტილების შედეგად, სულაიმანიაჰისა და ერბილის აეროპორტებიდან სამგზავრო და სატვირთო ფრენები ერაყის ქურთისტანის მიმართულებით დროებით გაუქმდა.
დღეს ცნობილი გახდა, რომ ირანმა მასშტაბური სამხედრო წვრთნები დაიწყო ერაყის ქურთისტანის საზღვართან ახლოს.
ერაყის ქურთისტანი არაოფიციალური სახელწოდება. მდებარეობს ერაყის ჩრდილოეთით და წარმოადგენს ქვეყნის ერთადერთ ავტონომიურ რეგიონს. ადგილობრივ ხელისუფლების სათავეში ქურთისტანის დემოკრატიული პარტიაა, რომლის პრეზიდენტი მასუდ ბარზანია.