ვიმოქმედებთ კანონის შესაბამისად, – ამის შესახებ შინაგან საქმეთა მინისტრმა, გიორგი მღებრიშვილმა ჟურნალისტებს სერბი რეჟისორის, ემირ კუსტურიცას საქართველოში დაგეგმილ ჩამოსვლასთან დაკავშირებით განაცხადა.
„ჩვენ, როგორც სხვა ყველა შემთხვევაში, ახლაც ვიმოქმედებთ კანონის შესაბამისად“, – განაცხადა შს მინისტრმა.
სერბი რეჟისორი ემირ კუსტურიცა თბილისს ფოლკ-როკ ჯგუფის The No Smoking Orchestra-ს შემადგენლობაში გიტარისტის სტატუსით ეწვევა. ემირ კუსტურიცა, რომელიც ოკუპირებულ ცხინვალში 2009 წელს იმყოფებოდა, ჯგუფთან ერთად თბილისში ჩამოსვლას და 8 დეკემბერს კონცერტის გამართვას გეგმავს. მედიის წარმომადგენლები დაინტერესდნენ, კუსტურიცა საქართველოში ჩამოსვლით დაარღვევს თუ არა კანონს საქართველოს ოკუპირებული ტერიტორიების შესახებ და ექნება თუ არა მას ქვეყანაში შემოსვლის საშუალება.