პროკურატურა დეკანოზ გიორგი მამალაძის სისხლის სამართლის საქმის მასალების მედიასაშუალებებში გავრცელების შესახებ, გამოძიების მონაცემების გახმაურების ფაქტებზე, გამოძიებას აწარმოებს. ამის შესახებ პირველ არხს მთავარი პროკურატურის საზოგადოებასთან ურთიერთობის დეპარტამენტის უფროსმა ნათია სუხიაშვილმა განუცხადა.
„ბოლო პერიოდში სხვადასხვა მედიასაშუალებებში არაერთხელ გავრცელდა მსჯავრდებულ გიორგი მამალაძის სისხლის სამართლის საქმის მასალები. აღნიშნულთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით დაწყებულია გამოძიება. საქმეზე გამოძიებას აწარმოებს საქართველოს პროკურატურა“, – განაცხადა ნათია სუხიაშვილმა.
კომენტარები