თბილისის მერიასთან ”ნაციონალური მოძრაობის” გუშინდელი აქციის დროს დაკავებული ექვსი პირი სასამართლო დარბაზიდან გათავისუფლდა, მათი პროცესი გადაიდო.
მოსამართლემ სხდომა 17 ოქტომბრამდე გადადო, მანამდე კი ბრალდებას ვიდეოჩანაწერებისა და სხვა მტკიცებულებების მოძიება დაავალა.
მერიასთან დაკავებული 6 პირის წინააღმდეგ საქმე ადმინისტრაციულ სამართალდარღვევათა კოდექსის 166-ე და 173-ე მუხლების დარღვევისთვის დაიწყო.
გუშინ თბილისის მერიასთან „ნაციონალური მოძრაობის“ მხარდამჭერების მიერ გამართულ აქციაზე 6 პირი დააკავეს.
შინაგან საქმეთა სამინისტროს ინფორმაციით, თბილისის მერიასთან გამართულ აქციაზე 6 ადამიანი ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებული ქმედებისთვის დააკავეს.
კომენტარები