“სასწაულები ჩვენს ოჯახში გრძელდება”

“ეს დღეები გასუსული ვარ ბავშვებზე და ხმას არ ვიღებ. ალექსანდრეს შესაძლოა გულის მანკის და გულზე სხვა პათოლოგიების გამო ოპერაცია დასჭირვებოდა. გული ხელით მეჭირა.
დღეს ვიყავით ყველაზე მაგარ კლინიკაში და ყველაზე მაგარ ექიმთან და სრულიად მოულოდნელად გაირკვა რომ ალექსანდრე არათუ საოპერაციო არ არის, არც ერთს, არც ბარბარეს და არც ალექსანდრეს (მარიამს ისედაც არ ჰქონდა) გულის მანკი და პათოლოგიები აღარა აქვს. ყველაფერი დაიხურა!
კიდევ დაგვრჩა ჩიყვის, თირკმელების და დაუნის სინდრომის ფონზე შედარებით მძიმედ მიმდინარე სხვა პრობლემები, მაგრამ რაკი მთავარი საფრთხე დაძლეულია, ამ პრობლემების აღარ გვეშინია, ყველაფერს მოვერევით. ხოლო რაც შეეხება ზედმეტ ქრომოსომას, ჩვენ მას არ ვებრძვით და არ მიგვაჩნია ავადმყოფობად. ზედმეტი ქრომოსომა ჩვენთვის რჩეულთა ხვედრია და ულევ სიკეთეს, უზარმაზარ სითბოს და ადამიანში ბოროტი გენის არარსებობას ნიშნავს. სასწაულები ჩვენს ოჯახში გრძელდება”, – წერს ირინა სარიშვილი სოციალურ ქსელში.