აფეთქება თბილისში

თბილისში გაზგასამართ სადგურზე აფეთქების შედეგად, 3 ადამიანი დაშავდა. „კვირას“ ინფორმაციით, შემთხვევა ისან-სამგორის რაიონში, ქინძმარაულის ქუჩაზე რამდენიმე წუთის მოხდა.
როგორც „კვირას“ თბილისის სასწრაფო – სამედიცინო დახმარების ცენტრში განუცხადეს, 3 დაშავებულიდან 2 დამწვრობის ცენტრში გადაიყვანეს, ხოლო ერთ-ერთმა საავადმყოფოში გადაყვანაზე უარი განაცხადა. მას ექიმთა ბრიგადამ სამედიცინო დახმარება ადგილზევე ჩაუტარა.
„კვირა“ დამწვრობის ცენტრასაც დაუკავშირდა. როგორც „კვირას“ კლინიკის ხელმძღვანელმა გუგა ქაშიბაძემ განუცხადა, სამედიცინო დაწესებულებაში 2 პაციენტი მიიყვანეს.
„კლინიკაში 62 წლის მამაკაცი შემოიყვანეს, რომელსაც აფეთქების შედეგად სხეულის 50 პროცენტიანი დამწვრობა აქვს მიღებული. მისი ჯანმრთელობის მდგომარეობა მძიმეა და იგი რეანიმაციულ განყოფილებაშია მოთავსებული. მას თავის, ზედა და ქვედა კიდურების დამწვრობა აღენიშნება, რაც შეეხება მეორე პაციენტს, იგი 51 წლისაა, მისი მდგომარეობა შედარებით მსუბუქია. მან სხეულის 7 პროცენტიანი დამწვრობა მიიღო“ – აღნიშნა გუგა ქაშიბაძემ.
როგორც „კვირას“ შს სამინისტროში განუცხადეს, მომხდარ ფაქტთან დაკავშირებით გამოძიება სსკ-ის 240-ე მუხლით გამოძიება დაიწყო.