ნანა კაკაბაძემ ,,პრაიმტაიმის” პრესკლუბში სკანდალური განცხადება გააკეთა. მისი თქმით, ფლობს ინფორმაციას, რომ ადვოკატ მიხეილ რამიშვილს საადვოკატო მომსახურების თანხას რუსთავი 2-ის გენერალური დირექტორი ნიკა გვარამია უხდის.
ნანა კაკაბაძეს არ დაუკონკრეტებია საიდან ფლობს აღნიშნულ ინფორმაციას.
,, ნიკა გვარამია არის ის ადამიანი, რომელიც მიხეილ რამიშვილს უხდის საადვოკატო მომსახურების გადასახადს ამ პროცესში”,
კითხვაზე საიდან აქვს აღნიშნული ინფორმაცია ნანა კაკაბაძე პასუხობს: ,,რომ ვიღაცები საუბრობენ, რომ რამიშვილს ფულს გვარამია უხდის. თან ყველას გვახსოვს, რომ ნიკა გვარამიამ სურვილი გამოთქვა, რომ უფასოდ დაიცავს ბრალდებულ დეკანოზ გიორგი მამალაძეს”, – განაცხადა ნანა კაკაბაძემ.
,,პრაიმტაიმი” დაუკავშირდა ადვოკატ მიხეილ რამიშვილს, რომელმაც ნანა კაკაბაძის მიერ გავრცელებული ინფორმაცია უარყო და უფლებადამცველი ტყუილში დაადანაშაულა.
,, რა შეხება მაქვს ნიკა გვარამიასთან? ნიკა გვარამიასთან არანაირი შეხება და ახლობლობა არ გამაჩნია. მე ვთქვი, რომ ამ საქმიდან ჰონორარს არ ვიღებ. ეს არის აბსურდული განაცხადი, ნანა კაკაბაძის მხრიდან ჩემ მიმართ გაკეთებული”, – განაცხადა მიხეილ რამიშვილმა.
ადვოკატის თქმით, ნანა კაკაბაძის განცხადება მის დისკრედიტაციას ისახავს მიზნად.
,,მანანა კობახიძე ცდილობს, რომ ჩემი დისკრედიტაცია მოახდინოს, საზოგადოებას ჩემს მიმართ ნდობა აქვს”, – აცხადებს მიხეილ რამიშვილი.