“იმ ძმობას, რომელიც საუკუნეების მანძილზე იყო ქართველებსა და აფხაზებს შორის, ვერავინ დაარღვევს”

ჩვენი სულიერი ძმები არიან ქართველებიც და აფხაზებიც და სხვანი მკვიდრნი აფხაზეთისა, – ამის შესახებ სრულიად საქართველოს კათოლიკოს პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ქადაგებისას ბრძანა.

საქართველოს კათოლიკოს-პატრიარქმა სამების საკათედრო ტაძარში აფხაზეთიდან გადმოსვენებული 25 პირის ახლობლებს მიუსამძიმრა.

„ჩვენ აღვავლენთ ლოცვას ჩვენი გმირებისთვის, ჩვენ აღვავლენთ ლოცვას არა მარტო ქართველებისთვის, არამედ აფხაზებისთვის. ჩვენი სულიერი შვილები არიან ქართველებიც და აფხაზებიც და სხვანი მკვიდრნი აფხაზეთისა. ის ძმობა, რომელიც საუკუნეების მანძილზე იყო ქართველებსა და აფხაზებს შორის, იმ ძმობას ვერავინ დაარღვევს.

ჩვენ აღვავლენთ ლოცვებს, რათა დააწესოს ღმერთმა სული მათი სადაცა მართალნი განისვენებენ. ღმერთმა დალოცოს და აცხოვნოს მათი სული“, – ბრძანა პატრიარქმა ქადაგებისას.