მოსკოვში სატრანსპორტო და სოციალური ინფრასტრუქტურის დანაღმვის შესახებ შესული ანონიმური ზარების გამო მასობრივი ევაკუაცია განხორციელდა.
ამის შესახებ ინფორმაციას ინტერნეტგამოცემა lenta.ru სამართალდამცავ სტრუქტურებზე დაყრდნობით ავრცელებს.
ევაკუაცია რამდენიმე მსხვილი სარკინიგზო სადგურიდან, დომოდედოვოსა და შერემეტევოს აეროპორტებიდან და ლენინის სახელობის ბიბლიოთეკიდან განხორციელდა. ობიექტების ტერიტორიები სამართალდამცველებმა კინოლოგების დახმარებით დაათვალიერეს.
სადგურებიდან და ბიბლიოთეკიდან მთლიანობაში დაახლოებით 1600 ადამიანის ევაკუაცია განხორციელდა.
კომენტარები