საქართველოს ცენტრალური საარჩევნო კომისიის ინფორმაციით, ქუთაისის რამდენიმე უბანზე საარჩევნო აკრედიტაციების გაყალბების ფაქტი დაფიქსირდა.
როგორც ცესკო-ში განმარტეს, ორგანიზაცია “პრესს მედიის” წარმომადგენლები საარჩევნო უბნებზე გაყალბებული საარჩევნო აკრედიტაციებით მივიდნენ.
ამის შესახებ ანა მიქელაძემ ცენტრალურ საარჩევნო კომისაიში გამართულ ბრიფინგზე განაცხადა.
„ქუთაისის რამდენიმე საარჩევნო უბანზე დაფიქსირდა ორგანიზაცია „პრესმედიის“ 10-მდე წარმომადგენელი, აღსანიშნავია, რომ მათი აკრედიტაციები არ არის ოფიციალურად გაცემული საარჩევნო ადმინისტრაციის მიერ, რაც სავარაუდოდ ნიშნავს, რომ მოწმობები სავარაუდოდ გაყალბებულია”, – ამბობს ცენტრალური საარჩევნო კომისიის პრესპიკერმა ანა მიქელაძემ.
მან მოუწოდა არჩევნებში ჩართულ ყველა მხარეს თავი შეიკავონ მსგავი ქმედებებისაგან.
ქუთაისში, სულ 124 საარჩევნო უბანია. აქედან, ერთი სპეცუბანია. ქუთაისში სულ 152 561 ამომრჩეველია რეგისტრირებული.