საგარეჯოს რაიონში, სოფელ ქეშალოში 30 წლის მაჯით მამედოვს თანასოფლელმა დანით რამდენიმე ჭრილობა მიაყენა, რის შედეგადაც ახალგაზრდა მამაკაცი გარდაიცვალა.
ადგილობრივების ინფორმაციით, მკვლელობა ვალს უკავშირდება, რომლის დაბრუნებასაც მამედოვი მოვალისგან ითხოვდა. უარის მიღების შემდეგ კი მათ შორის უთანხმოება მოხდა.
მომხდარზე გამოძიება სისხლის სამართლის კოდექსის 108-ე, განზრახ მკვლელობის მუხლით მიმდინარეობს.
კომენტარები