2018 წლის 1 სექტემბრიდან საქართველოში დაგროვებითი საპენსიო რეფორმა ამოქმედდება. შესაბამისი კანონპროექტის პრეზენტაცია მთავრობისა და ეროვნული ბანკის წარმომადგენლებმა გამართეს.
როგორც პრეზენტაციაზე გახდა ცნობილი, სისტემაში ჩართვა 40 წლამდე ასაკის დასაქმებული მოქალაქეებისთვის იქნება სავალდებულო, ხოლო 40 წლის ზემოთ – ნებაყოფლობითი.
ამასთან, ყოველთვიურად, დასაქმებული მოქალაქებიის ხელფასიდან 2 პროცენტი საპენსიო ფონდში გადაირიცხება. წლების შემდეგ კი, ამ თანხას მოქალაქეები პენსიასთან ერთად მიიღებენ.
კანონპროექტი უკვე მზად არის და მისი განხილვა წლის ბოლომდე დაიწყება.
დაგროვებითი პენსიის კანონპროექტის შესახებ პრეზენტაციაზე ეკონომიკის მინისტრის მოადგილემ ნინო ჯავახაძემ განაცხადა.
„თუ მოქალაქეს ხელფასი 1000 ლარი აქვს, დაგროვებითი პენსიის პირობებში, 30 წლის შემდეგ მისი პენსია დაახლოებით 500 ლარს პლუს საბაზისო პენსია იქნება. ეს ციფრი არის საშუალო, თუმცა ინდივიდუალურ შემთხვევებში, მოქალაქის პენსია რამდენიმე ფაქტორზე იქნება დამოკიდებული, მათ შორის, ხელფასზე და იმაზე, თუ რამდენი წელი მოხდება დაგროვება. ასევე, იმაზე, თუ როგორი რისკიანობის ფონდს აირჩევს მოქალაქე, რაც უფრო რისკიანი იქნება ინვესტიცია, უფრო მაღალი იქნება მოქალაქის მოგება. დაგროვებითი პენსიის სისტემაში ჩართვა 40 წლამდე დასაქმებული პირისთვის სავალდებულო იქნება, ხოლო ნებაყოფლობითი მათთვის, ვისაც კანონის ძალაში შესვლამდე უკვე შეუსრულდა 40 წელი“ – განაცხადა ნინო ჯავახაძემ.
“თუ მოქალაქეს ხელფასი 1000 ლარი აქვს, დაგროვებითი პენსიის პირობებში, 30 წლის შემდეგ მისი პენსია დაახლოებით 500 ლარს პლუს საბაზისო პენსია იქნება”
2017/10/31 14:10:12
ნანახია: 2019 ჯერ