საქართველოს ყოფილი შს მინისტრის, ვანო მერაბიშვილის საქმეზე სტრასბურგის ადამიანის უფლებათა ევროპული სასამართლო გადაწყვეტილებას 28 ნოემბერს გამოაცხადებს.
ამის შესახებ ინფორმაცია ვანო მერაბიშვილის ადვოკატმა, ოთარ კახიძემ გაავრცელა.
გადაწყვეტილებას დიდი პალატა საჯაროდ 11:30 საათზე გამოაცხადებს და იმავე დღეს სასამართლოს ვებგვერდზე აიტვირთება.
არსებული ინფორმაციით, სტრასბურგის საქმე ევროკონვენციის მე-18 მუხლს ეხება, რაც სახელმწიფოს მხრიდან არასამართლებრივი, მერაბიშვილის დაცვის მხრისთვის კი, პოლიტიკური ნიშნით პატიმრობას გულისხმობს.
შეგახსენებთ, რომ საქართველოს მთავრობამ შარშან სექციის გადაწყვეტილება სტრასბურგის სასამართლოს დიდ პალატაში გაასაჩივრა.
კომენტარები