ნუცუბიძის ქუჩაზე პაატა პავლიაშვილის გარდაცვალების ფაქტთან დაკავშირებით თბილისის პროკურატურაში მოწმის სახით ერთ-ერთი თვითმხილველი ნოდარ შანიძე დამატებით დაკითხვაზე იმყოფება.
ნოდარ შანიძეს ჟურნალისტებთან კომენტარი არ გაუკეთებია. იგი საგამოძიებო უწყებაში ადვოკატთან ერთად იმყოფება.
როგორც პროკურატურაში შესვლამდე შანიძის ადვოკატმა მუხრან ღურწკაიამ განაცხადა, მათთვის ამ ეტაპზე ცნობილი არ არის თუ რატომ გახდა საჭირო დამატებით ნოდარ შანიძის დაკითხვა.
25 ოქტომბერს ნუცუბიძის ქუჩაზე პაატა პავლიაშვილი ადმინისტრაციული დაკავებისას შეუძლოდ გახდა და გარდაიცვალა. მომხდარზე საქმე სიცოცხლის გაუფრთხილებლობით მოსპობის საქმეზეა აღძრული. მოხდარიდან რამდენიმე საათში შს სამინისტრომ ვიდეო გაავრცელა, სადაც მომხდარი ფაქტის ერთ-ერთი თვითმხილველი ნოდარ შანიძე საუბრობს.
კომენტარები