„ბრიუსელში იმიტომ ჩავედი, რომ კონფრონტაციული სიტუაცია არ შექმნილიყო. ბევრი მზად იყო წინააღმდეგობის გასაწევად“, – ამის შესახებ განმარტება კატალონიის მთავრობის ყოფილმა თავმჯდომარემ კარლეს პუჩდემონმა ბელგიაში წასვლის მიზეზებზე გააკეთა.
„მე დარჩენა და წინააღმდეგობისკენ მოწოდებით გამოსვლა შემეძლო. მე ეს არ გავაკეთე და არ მსურს გავაკეთო. ჩვენ არასდროს ვუჭერდით მხარს ძალადობას“, – განაცხადა კატალონიის ყოფილმა ლიდერმა.
პუჩდემონის თქმით, კატალონიის დამოუკიდებლობისადმი მისწრაფების გამო ესპანეთში სამოქალაქო ომი არ იქნება.
„მოდით, ვისაუბროთ სერიოზულად. თქვენ ნახეთ, რა ხდებოდა კატალონიაში ბოლო 7 წლის მანძილზე? ნახეთ მრავალმილიონიანი დემონსტრაციები თუნდაც ერთი ინციდენტის გარეშე? ეს თანამედროვე ისტორიაში ყველაზე მსხვილი მშვიდობიანი დემონსტრაციები იყო. კატალონიური მოძრაობა წარმოუდგენლად მშვიდობიანია“, – აღნიშნა პუჩდემონმა.