ჩრდილოეთ კორეას მივმართავ: ნუ გამოცდით ჩვენს მოთმინებას, – ამის შესახებ სამხრეთ კორეაში ვიზიტით მყოფმა აშშ-ის პრეზიდენტმა სამხრეთ კორეის პარლამენტში სიტყვით გამოსვლისას განაცხადა.
„დღეს მე არა მხოლოდ ჩვენი ქვეყნების სახელით, არამედ ყველა ცივილიზებული ქვეყნის სახელით ვსაუბრობ და ჩრდილოეთ კორეას მივმართავ: ნუ გამოცდით ჩვენს მოთმინებას“, – განაცხადა ამერიკელმა ლიდერმა.
დონალდ ტრამპმა ასევე განაცხადა, რომ ჩრდილოეთ კორეა კონფლიქტს ეძებს სხვა ქვეყნებთან, რათა მოსახლეობის ყურადღება შიდა პრობლემებიდან გადაიტანოს.
„ჩრდილოეთ კორეა ცდება. ჩვენი ადმინისტრაცია არ არის ის, რაც ადრე იყო. მსოფლიო არ მოითმენს რეჟიმს, რომელიც მას ბირთვული განადგურებით ემუქრება“, – დასძინა დონალდ ტრამპმა.
კომენტარები