კულტურისა და ძეგლთა დაცვის მინისტრი მიხეილ გიორგაძე ძეგლებზე პირბადეების გაკეთების აქციას გამოეხმაურა.
მისი თქმით, აღნიშნულ აქციაში შეურაცხმყოფელს ვერაფერს ხედავს, რადგან თავად ძეგლებს ზიანი არ მიდგომია.
„მე ვფიქრობ, რომ პრობლემა იყო საკმაოდ კრეატულად დანახული და ამ პრობლემისადმი ყურადღების მიქცევა საკმაოდ კრეატიულად განხორციელდა. ერთადერთი რაზეც შევწუხდი, იყო ის, რომ იქ იყო ისეთი ძეგლები, სადაც აძრომა და პირბადის დამაგრება გარკვეულ რისკთანაა დაკავშირებული. რომ ჩამოვარდნილიყო ადამიანი დაზიანებას მიიღებდა. ამ ნაწილში ფრთხილად უნდა ვიყოთ. ძალიან კრეატიული იყო, მით უმეტეს, საერთოდ არ მესმის შეურაცხყოფა რა ნაწილში იგულისხმება, თავად ძეგლს ზიანი არ მიდგომია“, – განაცხადა გიორგაძემ.
კომენტარები