იემენში ყოფილი პრეზიდენტი ალი აბდალა სალეჰი მოკლეს. ინფორმაციას ამის შესახებ BBC ჰუსიტ ამბოხებულებზე დაყრდნობით ავრცელებს.
გავრცელებული ინფორმაციით, ალი აბდალა სალეჰის სახლზე თავდასხმა ყოფილ მოკავშირე დაჯგუფებებს შორის შეტაკებების დროს განხორციელდა, რა დროსაც ყოფილი პრეზიდენტის საცხოვრებელი ააფეთქეს.
გუშინ ცნობილი გახდა, რომ იემენის დედაქალაქში მეამბოხე ჰუსიტებსა და ქვეყნის ექსპრეზიდენტის ალი აბდალა სალეჰის მომხრეებს შორის მომხდარ შეტაკებას 200-ზე მეტი ადამიანი ემსხვერპლა.
კომენტარები