ჩემს სიცოცხლეში ვერ წარმოვიდგენდი, რომ ჩემი ფავორიტები იქნებოდნენ ციხეებისმინისტრი და მთავარი პროკურორი, – ამის შესახებ აკადემიკოს გურამ შარაძის ქალიშვილი რუსუდან შარაძე ფეისბუქის გვერდზე წერს.
“ვეღარ ვითმენ, რომ არ ვთქვა, მაგრამ მეტს ვერაფერს დავამატებ, სამწუხაროდ. უფლება არ მაქვს, თორემ ოღონდ ამ თემაზე მალაპარაკა, მე მეტი რა მინდა?!
ბოლო ორი თვის მანძილზე, დღეს, უკვე მესამედ ვიყავი გლდანის მე-8 დაწესებულებაში და მესამედ შევხვდი გიორგი ბარათელს. კარგად არის და დაახლოებით, ერთ წელიწადში გამოვა.
ჩემს სიცოცხლეში ვერ წარმოვიდგენდი, რომ ჩემი ფავორიტები იქნებოდნენ ციხეების მინისტრი და მთავარი პროკურორი, რადგან ორივე დაწესებულება, სადღაც, კოსმოსში მეგონა და შიშის ზარს მცემდა.
უღრმესი მადლობა ბატონებს – ირაკლი შოთაძეს და კახა კახიშვილს!!!
რაც შეეხება, არჩილ კბილაშვილს და ჩემს ,,მეგობარ“ სუზარ სობარს – რამდენი დრო დამაკარგინეს, მოვიცლი როდესმე მათთვისაც”, – წერს რუსუდან შარაძე.