ოდესის ყოფილი გუბერნატორი, უკრაინული ოპოზიციური პარტია “ახალ ძალთა მოძრაობის” ლიდერი მიხეილ სააკაშვილი უკრაინის გენერალურ პროკურორს, იური ლუცენკოს მოუწოდებს, იურიდიული განათლების დიპლომი წარადგინოს.
„გაუნათლებელ ლუცენკოს იურისპრუდენციასთან საერთო არაფერი აქვს. ის ნაცნობობით გახდა უკრაინის გენერალური პროკურორი. ის გასცემს ბრძანებებს, რომლებიც უკანონოა. იურიდიული ფაკულტეტის მეორე კურსელმა გაცილებით უკეთ იცის, ვიდრე უკრაინის ე.წ. გენპროკურორმა. მე არ გამოვცხადდები ცრუ გენერალურ პროკურორთან, ის ოროსანია. ის არალეგიტიმურია. მე ის უკრაინის გენპროკურორად არ მიმაჩნია. მას არ აქვს იურიდიული განათლება, წარმოადგინოს დიპლომი. პირადად მე სამი დიპლომი მაქვს. მას არ აქვს ღირსება და ნამუსი. მე მზად ვარ, მივიღო გამომძიებელი აქ, ბანაკში“, – განაცხადა სააკაშვილმა.
უკრაინის გენერალურმა პროკურორმა, იური ლუცენკომ სააკაშვილს საგამოძიებო უწყებაში მისასვლელად 24 საათი მისცა.