უკრაინის პრეზიდენტი პეტრო პოროშენკო აცხადებს, რომ მიხეილ სააკაშვილის გარშემო შექმნილი ვითარება საერთაშორისო ყურადღებას არ იმსახურებს. ამის შესახებ პოროშენკომ ლიტვის პრეზიდენტ დალია გრიბაუსკაიტესთან ერთობლივ პრესკონფერენციაზე განაცხადა.
“ზოგადად, თუ სააკაშვილთან დაკავშირებით სიტუაციას შევაფასებთ, ის საერთაშორისო ყურადღებას არ იმსახურებს. არსებობს კონკრეტული დანაშაულები, რომლებიც მან ჩაიდინა და ჩვენ უნდა ვუზრუნველყოთ გამოძიების გამჭვირვალობა, საგამოძიებო ორგანოების აბსოლუტური ღიაობა, მიუკერძოებლობა, გამჭვირვალე მიუკერძოებელი სასამართლო. ამის გარანტი კი დამოუკიდებელი სახელმწიფო უნდა იყოს. დაინტერესებული ვარ, რომ პროცესი იყოს მაქსიმალურად გამჭვირვალე – იქნება ის დაკავშირებული სააკაშვილთან, თუ პოროშენკოსთან“, – განაცხადა პოროშენკომ.
კომენტარები