ესპანეთის პრემიერ-მინისტრი კატალონიის ყოფილი ლიდერის კარლეს პუჩდემონის შეთავაზებას არ იღებს. ესპანეთის პრემიერის თქმით, დიალოგისთვის მზად არის, თუმცა პუიჩდემონთან მოლაპარაკებებს არ აწარმოებს.
პუჩდემონი ესპანეთის პრემიერ-მინისტრს შეხვედრას სთავაზობს. მისი თქმით, შეხვერა წინაპირობების გარეშე ევროპის რომელიმე ქვეყნის დედაქალაქში უნდა შედგეს და ურთიერთობებში ახალი ეტაპი დაიწყოს. კატალონიის ყოფილმა ლიდერმა დღეს ევროკომისიის პრეზიდენტსაც მიმართა.
„მე არ ვთხოვ კომისიას პოზიციის შეცვლას, მე ვთხოვ მოსმენას და ვფიქრობ, ეს შესაძლებელია”, – ამბობს კატალონიის ყოფილი ლიდერი, რომელიც ბელგიაში იმყოფება მას შემდეგ, რაც ესპანეთის ხელისუფლებამ კატალონიის ავტონომია გააუქმა და პარლამენტი დაითხოვა.
კომენტარები