სასამართლო-სამედიცინო ექსპერტმა მაგდა პაპიძის შვილის, თორნიკე ქაფიაშვილის ასთმით დაავადების ფაქტი არ დაადასტურა, – ამის შესახებ ექსპერტმა ელენე ჭითანავამ სასამართლოს სხდომაზე განაცხადა.
“თორნიკე ქაფიაშვილის ცხედარს თვალბუდის არეში, ზედა და ქვედა ქუთუთოების გარშემო აღენიშნებოდა წერტილოვანი სისხლჩაქცევები. სისხლჩაქცევები ჰქონდა ზედა და ქვედა ტუჩის ლორწოვანზე. ეს დამახასიათებელია ასფიქსიური სურათისთვის. დაზიანებები ჰქონდა, ასევე ყურის უკან, რაც შესაძლებელია, ფრჩხილით ყოფილიყო მიყენებული. ხაზოვანი სისხლნაჟღენთები იყო. რაც შეეხება, შუბლს და საფეთქელს, ამ მიდამოებში დაზიანებები არ ჰქონია. ალერგიული ფონი კი ჰქონდა, მაგრამ სუნთქვასთან, ფილტვებთან დაკავშირებული პათოლოგია კვლევისას არ გამოვლინდა”, – განაცხადა ჭითანავამ.
კომენტარები