“ცეკვავენ ვარსკვლავების” მეექვსე სეზონი დასასრულს მიუახლოვდა. ამასთან, ვნებეთაღელვამ და დაპირისპირებამ უფრო იმატა. ფინალში სტანისლავ ბონდარენკო და ანდრია გველესიანი არიან.
სტანისლავ ბონდარენკოს ამჯერად ანდრია გველესიანის მამა უპირისპირდება.
ფინალისტის, ანდრია გველესიანის მამა, დათო გველესიანი “ფეისბუქში” მიმართვას ავრცელებს:
“ანდრიას გულშემატკივრებო, ჩემო სიხარულებო!
არ ვაპირებ დავას იმაზე რომ ანდრია ძალიან ნიჭიერია და უსაზღროდ შრომისმოყვარე, დიდი ქართული მებრძოლი სულით, მაგრამ ყველას შევედავები იმაში რომ თქვენ ხართ ყველაზე ერთგული და ყველაზე გულუხვი გულშემატკივარი და დიდი იმედი მაქვს რომ თქვენ გაიმარჯვებთ.
ანდრია უკან დახევას არ აპირებს და თქვენი ერთგულია ყოველთვის.
მივმართავ მათაც ვინც სხვა კონკურსანტებს უჭერდა მხარს:
შემოგვიერთდით და ერთად გავამარჯვებინოთ ქართულ ნიჭიერებას. ღმერთი ფარავდეს თქვენ ოჯახებს. მიყვარხართ”, – წერს დათო გველესიანი.