პეჩორის რაიონულმა სასამართლომ პოლიციას დაავალა, საქართველოს ყოფილი პრეზიდენტის, მიხეილ სააკაშვილის მოტაცებისა და პოლონეთში გაძევებაზე სააკაშვილის დაცვის მხარის განცხადებასთან დაკავშირებით საქმე აღძრას, – ამის შესახებ სააკაშვილის პარტია „ახალი ძალების მოძრაობის“ პრესსამსახურში განაცხადეს.
შეგახსენებთ, უკრაინის მთავრობამ საქართველოს ყოფილი პრეზიდენტი და ოდესის ოლქის ყოფილი გუბერნატორი მიხეილ სააკაშვილი 12 თებერვალს კიევიდან პოლონეთში გააძევა. მოგვიანებით სააკაშვილი ნიდერლანდებში გაემგზავრა, სადაც პირადობის დამადასტურებელი მოწმობა მიიღო, რაც მას ევროკავშირში დარჩენისა და მუშაობის უფლებას აძლევს.
აღსანიშნავია, რომ გუშინ უკრაინის სახელმწიფო სასაზღვრო სამსახურმა მიხეილ სააკაშვილს უკრაინაში შესვლა 2021 წლამდე აუკრძალა. ამის შემდეგ სააკაშვილის დაცვის მხარემ პოლიციაში განცხადება შეიტანა, პოლიტიკოსის მოტაცებასა და უკანონო გაძევებაზე.