ბუტა რობაქიძის მამას, სოსო რობაქიძესა და შს ყოფილ მინისტრ ირაკლი ოქრუაშვილს შორის სასამართლოს ეზოში სიტყვიერი დაპირისპირება მოხდა. სოსო რობაქიძემ ირაკლი ოქრუაშვილს შეკითხვით მიმართა.
„როგორც თქვენ თქვით, ოპოზიციაში იმიტომ გადადიოდით, რომ გახშირდა ადამიანების კვლა პარტიაშიო. თქვენ შესაძლოა შინაგან საქმეთა მინისტრობიდან მალე გადახვედით თავდაცვის სამინისტროში, მაგრამ შენ და მიხეილ სააკაშვილი ერთი გუნდი იყავით. პატრულის სახის შენარჩუნებაზე „იჩალიჩეთ“ ყველამ. ნახევარი თქვენს ხელში არის დანიშნული, რამდენი ადამიანი უნდა მოკლან? იმდენი ადამიანი გააუბედურეს, შენც მოსაკლავი იქნები. მე ერთ რაღაცას გეკითხები – იარაღი ჩადებული იყო თუ არა?“, – მიმართა სოსო რობაქიძემ ირაკლი ოქრუაშვილს.
„სოსო, შვილი დაგეღუპა. შენ კონკრეტული ადამიანი იცი, ვის გამოც შვილი დაგეღუპა, მოგცემ იარაღს და მოსთხოვე პასუხი“, – უპასუხა ირაკლი ოქრუაშვილმა რობაქიძეს, რაზეც სოსო რობაქიძემ მიუგო.
„არ მინდა არავის იარაღი. შენც მოსაკლავი ხარ ასე! შენ ვერც ოპოზიციაში იქნები და ვერც მთავრობაში, სანამ მე ცოცხალი ვარ. ახლა რომ მქონდეს იარაღი, პირდაპირ გესროდი“, – განაცხადა რობაქიძემ.