თევდორე მღვდლის ქუჩაზე დამწვარი სავაჭრო ობიექტის ადმინისტრაცია მზად არის, რომ ინდივიდუალურად შეხვდეს თანამშრომლებს და მათი საკითხი ინდივიდუალურად გადაწყვიტოს, – ამის შესახებ დედაქალაქის მერმა კახა კალაძემ სავაჭრო ცენტრ „თერგის“ ადმინისტრაციასთან შეხვედრის შემდეგ ჟურნალისტებთან საუბრისას განაცხადა.
„შეხვედრა მქონდა ადმინისტრაციასთან. ადმინისტრაცია მზად არის ინდივიდუალურად შეხვდეს თითოეულ ადამიანს, გაიარონ ხელშეკრულებები, მოხდეს აღწერა თუ რა საქონელზეა საუბარი და ამის შემდეგ იქნება ინდივიდუალური გადაწყვეტილებები. მანამდე იმ ადამიანებს, ვისი საქონელიც გადარჩა, მიეცემათ შესაძლებლობა გვერდით ფართებში გადანაწილდნენ. როდესაც სარეაბილიტაციო სამუშაოები დასრულდება, აქ მომუშავე ადამიანებს მიეცემათ შეღავათიანი ვადები, იგულისხმება იჯარის თანხა“, – განაცხადა კახა კალაძემ.