გერმანიაში სპეცოპერაციის შედეგად, საქართველოს ოთხი მოქალაქე დააკავეს.
ადგილობრივი მედიის ინფორმაციით, გვიან ღამით პოლიციას ქალაქ მულდეს მცხოვრებმა ძარცვის შესახებ შეატყობინა. გერმანელმა სამართალდამცველებმა რამდენიმე საათში მოპარული Skoda Octavia-ის მარკის ავტომობილს მაგისტრალზე მიაკვლიეს, რომელშიც საქართველოს სამი მოქალაქე იმყოფებოდა.
ეჭვმიტანილების ბინის ჩხრეკისას, მეოთხე პირიც დააკავეს, რომელიც ქურდობასა და ძარცვაში მონაწილეობდა. კრიმინალისტებმა სახლიდან ნაძარცვი ნივთები ამოიღეს.
საქართველოს ოთხივე მოქალაქეს წინასწარი პატიმრობა შეეფარდა.
კომენტარები