გარემოს ეროვნული სააგენტოს ინფორმაციით, დასავლეთ საქართველოს მდინარეებზე, განსაკუთრებით რიონის აუზში, წყლის დონემ მნიშვნელოვნად მოიმატა.
”გარემოს ეროვნული სააგენტოს ჰიდრომეტეოროლოგიური მონიტორინგის დღე-ღამურ რეჟიმში ფუნქციონირებადი ქსელის მონაცემების თანახმად, 5 მარტის დილის საათებიდან, დასავლეთ საქართველოს მდინარეებზე, განსაკუთრებით მდინარე რიონის აუზში ადგილი აქვს წყლის დონეების მნიშვნელოვან მატებას, რაც მოსული ძლიერი ნალექითაა გამოწვეული.
წყლის დონეების მატება გაგრძელდება 6 მარტის შუადღემდე.
წყლის დონეების საშიშ ნიშნულებამდე აწევა მოსალოდნელი არ არის. 6 მარტის დღის მეორე ნახევრიდან, ნალექების ინტენსივობის შესუსტების გამო, დასავლეთ საქართველოს მდინარეებზე წყლის დონეები ეტაპობრივად დაიწევს”, – აღნიშნულია გარემოს ეროვნული სააგენტოს ინფორმაციაში.
გარემოს ეროვნული სააგენტო – დასავლეთ საქართველოს მდინარეებზე წყლის დონემ მნიშვნელოვნად მოიმატა
2018/03/05 20:23:26
ნანახია: 1138 ჯერ