ზუგდიდში გუშინ დაჭრილი სამი მამაკაცი ზუგდიდის რეფერალურ ჰოსპიტალში მკურნალობას აგრძელებს. საავადმყოფოს დირექტორის, ნიკა ჭეჟიას თქმით, მათგან ერთ-ერთი კვლავ მართვით სუნთქვაზე რჩება, თუმცა მისი მდგომარეობა სტაბილურია. რაც შეეხება დანაჩენ ორს, მათი ჯანმრთელობის მდგომარეობა დამაკმაყოფილებელია.
შს სამინისტროში აცხადებს, რომ ინტენსიური საგამოძიებო მოქმედებები ამ დრომდე მიმდინარეობს. უწყებამ გამოძიება 19/109-ე მუხლით დაიწყო, რაც დამამძიმებელ გარემოებაში განზრახ მკვლელობის მცდელობას გულისხმობს.
შემთხვევა ზუგდიდში გუშინ მოხდა, გამოძიებისთვის დანაშაულის ჩადენის მოტივი უცნობია.
გავრცელებული ინფორმაციით კი, ინციდენტი ”ქურდულ გარჩევას” უკავშირდება.
კომენტარები