დღეს, ტელეკომპანია “რუსთავი 2”- თან მომხდარი ინციდენტის ფაქტზე ”ქართული მარშის” ერთ-ერთი წევრი სანდრო ბრეგაძე დაკითხეს. გამოკითხვა ახლა დასრულდა, მან პოლიციის შენობა უკვე დატოვა.
როგორც უწყებაში შსს-ში აღნიშნავენ, გამოძიება გრძელდება და გამოძიების ინტერესებიდან გამომდინარე, უახლოეს დღეებში, იგი პოლიციაში კვლავ იქნება დაბარებული გამოსაკითხად.
სანდრო ბრეგაძე გუშინ, ვაკე-საბურთალოს პოლიციის განყოფილებაში ჩვენებას “რუსთავი2”-ის შენობასთან მომხდარი ინციდენტის გამო აძლევდა. არსებული ინფორმაციით, ბრეგაძემ გუშინ, პოლიციის განყოფილებაში ჩვენების მიცემის დროს განაცხადა, რომ თავს შეუძლოდ გრძნობდა და სასწრაფო დახმარების ბრიგადა გამოიძახეს, რომელმაც ის გულის ჩივილებით ღუდუშაურის კლინიკაში გადაიყვანა. კლინიკიდან გამოწერის შემდეგ კი ის პოლიციამ დაკითხა.