აშშ-ის ციხეში პატიმრობაში მყოფი ქართველი სპორტსმენის, ავთანდილ ხურციძის სასამართლო პროცესი 27 მარტს გაიმართება, სადაც უნდა გადაწყდეს გაათავისუფლებენ თუ არა მას გირაოთი. ინფორმაცია სპორტსმენის Facebook-ის გვერდზე ვრცელდება.
“მას სურს რომ ნიუ იორკში მცხოვრები მისი გულშემატკივრები და მეგობრები დაესწრონ ამ პროცესს. გთხოვთ ვისაც გაქვთ დრო და შეგიძლიათ მოსვლა დაესწროთ რადგან ეს მისთვის ძალიან მნიშვნელოვანია. ავთოს სურს რომ აქ New York-ში მყოფმა ჟურნალისტებიც დაესწრონ და გააშუქონ რეალობა“, – წერს მისი მეგობარი მერაბ დვალიშვილი.
ქართველი სპორტსმენები ლევან მაყაშვილი და ავთანდილ ხურციძე, აშშ-ში საქართველოს სხვა მოქალაქეებთან ერთად, ე.წ. ქურდულ სამყაროსთან კავშირის, თაღლითობის მომზადებისა და რეკეტში მონაწილეობის ბრალდებით გასული წლის 8 ივნისს დააკავეს.