საქართველოს პრეზიდენტმა აღდგომის დღესასწაულთან დაკავშირებით 64 მსჯავრდებული შეიწყალა.
როგორც შეწყალების კომისიის თავმჯდომარემ ზვიად ქორიძემ დღეს გამართულ პრესკონფერენციაზე განაცხადა, შესაბამისი აქტი გიორგი მარგველაშვილმა დღეს გამოსცა.
”64 შეწყალებული მსჯავრდებულიდან თავისუფლების აღკვეთის დაწესებულებას დღეს 41 პატიმარი დატოვებს. 23 შეწყალებულ მსჯავრდებულს კი სხვადასხვა ვადით შეუმცირდა სასჯელი. შეწყალებულებიდან 3 ქალია და 1 არასრულწლოვანი. აქედან ერთი ქალი დღეს დატოვებს დაწესებულებას, ორს კი სასჯელი შეუმცირდა. რაც შეეხება არასრულწლოვანს, მას სასჯელი შეუმცირდა”, – განაცხადა ქორიძემ.
შეწყალების კომისია 28 და 29 მარტს მუშაობდა. პრეზიდენტის განკარგულება უკვე გადაეგზავნა სასჯელაღსრულების სამინისტროს.
კომენტარები