გორში სამართალდამცველებმა 9 ადამიანი დააკავეს. დაკავების მიზეზი სამართალდამცველებსა და დაკავებულებს შორის დაპირისპირებაა.
სამი ადამიანი ადმინისტრაციულ სამართალდარღვევათა კოდექსის 166-ე და 173-ე მუხლებით (წვრილმანი ხულიგნობა და პოლიციისადმი დაუმორჩილებლობა) არის დაკავებულები, ექვსი კი – სისხლის სამართლის კოდექსის 353-ე მუხლის მეორე ნაწილით, რაც წესრიგის დამცველის მიმართ ჯგუფურად განხორციელებულ წინააღმდეგეგობას გულისხმობს. დაკავებულებს ასევე პოლიციის ავტომობილების განადგურებაც ედებათ ბრალად.
შემთხვევა სადგურის დასახლებაში მოხდა. არსებული ინფორმაციით, მოქალაქეები დაპირისპირებამდე არაფხიზელ მდგომარეობაში იმყოფებოდნენ და დაპირისპირება მას შემდეგ დაიწყო, რაც მათ კრიმინალური პოლიციის თანამშრომლებმა წესრიგისკენ მოუწოდეს.
კომენტარები