გრიგოლ ლილუაშვილი: ტატუნაშვილის საქმის გამოძიებას ყველანაირად შევუწყობთ ხელს

„ჩვენ ყველანაირად ხელს შევუწყობთ არჩილ ტატუნაშვილის გარდაცვალების გამოძიებას, შსს ყველა ინფორმაციას მიიღებს, რაც გაგვაჩნია“, – ამის შესახებ სახელმწიფო უსაფრთხოების სამსახურის უფროსის მოადგილემ გრიგოლ ლილუაშვილმა პარლამენტში თავდაცვის, ადამიანის უფლებათა დაცვისა და იურიდიულ საკითხთა კომიტეტების გაერთიანებული სხდომაზე განაცხადა.
“მკვლელობიდან 2 თვის თავზე შეგვიძლია ვთქვათ, რომ ჩვენს მიერ გამოყენებული იქნა ყველა ის ბერკეტი, რომელიც გალისა და ერგნეთის ფორმატში იმართება და რომელშიც ჩვენ წამყვან უწყებას წარმოვადგენთ. ცხელი ხაზის მეშვეობით, ადმინისტრაციული საზღვრის იქით მყოფ თანამდებობის პირებთან ყოველდღიურ რეჟიმში ვიყავით ჩართული. შესაბამისად, გარკვეული ფაქტორი ტატუნაშვილის ცხედრის გადმოცემაში ჩვენმა სამსახურმა ითამაშა. გამოძიება შინაგან საქმეთა სამინისტროს დაწყებული აქვს. ჩვენ ყველანაირად ხელს შევუწყობთ. შსს ყველა ინფორმაციას მიიღებს, რაც გაგვაჩნია “, – განაცხადა გრიგოლ ლილუაშვილმა.
აღსანიშნავია, რომ პარლამენტში თავდაცვის, ადამიანის უფლებათა დაცვისა და იურიდიულ საკითხთა კომიტეტების გაერთიანებული სხდომაზე დეპუტატებს გასული წლის საქმიანობის თაობაზე სახელმწიფო უსაფრთხოების სამსახურის უფროსის მოადგილე გრიგოლ ლილუაშვილი ანგარიშს წარუდგენს.