7 მარტს შინაგან საქმეთა სამინისტრომ ვიდეოჯარიმების ქვითრების საჯაროდ გამოქვეყნება დაიწყო. როგორც მაშინ უწყებაში განმარტეს, საჯარიმო ქვითრები ვებგვერდზე police.ge ქვეყნდება, გამოქვეყნებიდან 30-ე დღეს კი დაჯარიმებული პირისთვის ქვითარი ჩაბარებულად ითვლება.
შსს-ს ოფიციალური სტატისტიკის თანახმად, 7 მარტიდან 2 აპრილამდე police.ge-ზე 20 178 ვიდეოჯარიმა გამოქვეყნდა. ამის შესახებ allnews.ge წერს.
2017 წლის 1 ნოემბრიდან 2018 წლის 15 მარტის ჩათვლით პერიოდში გამოვლენილი ვიდეოჯარიმების რაოდენობა 227 649-ს. გადახდისას 20%-იანი ფასდაკლებით კი 65 911 შემთხვევაში ისარგებლეს.
ვიდეოჯარიმებს ე.წ. ჭკვიანი კამერები გამოწერენ, რომლებიც მძღოლების მიერ ავტოსაგზაო წესების დარღვევას აფიქსირებენ. ჭკვიანი კამერები საქართველოს 10 ქალაქშია დამონტაჟებული.
კომენტარები