მუხიანში მომხდარი მკვლელობის მოტივი ამ დრომდე უცნობია. 26 წლის მამაკაცის ცხედარი ექსპერტიზის ბიუროდან საცხოვრებელ სახლში ცოტა ხნის წინ გადაასვენეს.
ადგილობრივების თქმით, მოკლული მამაკაცი და სავარაუდო დამნაშავე ნათესავები არიან.
მეზობლები ამბობენ, რომ მოკლული მამაკაცი დის ქმარმა საქმის გარკვევის მიზნით, საცხოვრებელი სახლიდან გაიყვანა და დაპირისპირება მუხიანში ერთ-ერთი საჯარო სკოლის ეზოში მოხდა.
ახალგაზრდა მამაკაცი კიდურების არეში ორი ცეცხლნასროლი ჭრილობა აქვს მიყენებული. როგორც ადგილობრივები ამბობენ, სავარაუდო დამნაშავემ მამაკაცის დაჭრის შემდეგ შემთხვევის ადგილი დატოვა. დაჭრილი მეზობლებმა იპოვეს, მათვე გამოიძახეს სასწრაფო, თუმცა 26 წლის ახალგაზრდას გადარჩენა ექიმებმა ვეღარ შეძლეს.
„უთანხმოება ჰქონიათ ოჯახში. დის ქმარია ეს პიროვნება. არ ვიცი რა უთანხმოება იყო. ოჯახიდან წაუყვანია უნდა გავარჩიოთ ვილაპარაკოთო და ესროლა, 2 თუ 3 ტყვია,“-ამბობს ოჯახის ერთ-ერთი ნაცნობი.
მკვლელობაში ეჭვმიტანილი სამართალდამცველებმა წითელ ხიდთან, საზღვრის დატოვების მცდელობისას დააკავეს.
ინფორმაციას “რუსთავი 2” ავრცელებს.