თბილისის მერიის მაღალჩინოსნების გაყალბებულ ხელმოწერებზე საუბრობენ საერთაშორისო გამჭვირვალობა საქართველოში.
არასამთავრობო ორგანიზაციამ სამხარაულის ბიუროში გააგზავნა საკონკურსო საატესტაციო კომისიის დასკვნაზე გაკეთებული ერთ-ერთი ხელმოწერა.
სამხარაულის პასუხში წერია, რომ ხელმოწერა გაყალბებულია. საერთაშორისო გამჭვირვალობაში ეჭვობენ, რომ ასევე გაყალბებულია დოკუმენტზე არსებული დანარჩენი 13 ხელმოწერაც.
საუბარია დასკვნაზე, რომელიც მომზადდა საჯარო მოხელეების კონკურსთან დაკავშირებით და ამ დასკვნის საფუძველზე ხდებოდა თანამშრომლების დანიშვნა თბილისის მერიაში.
„მივმართეთ ექსპერტიზის ეროვნულ ბიუროს და მათ დაადასტურეს, რომ ნამდვილად კომისიის სხდომის ოქმზე, სპეციალიზირებული კომისიის თავმჯდომარის, იმ დროისათვის თბილისის ვიცე მერის ალუდაგოგლიჩიძის ხელმოწერა არის გაყალბებული. ხელმოწერა შესრულებულია ე.წ. გამჭოლ შუქზე გადატანის მეთოდით,“- აცხადებენ საერთაშორისო გამჭვირვალობაში.
www.rustavi2.com