თბილისში, ხორავას ქუჩაზე მოკლული ერთ-ერთი ახალგაზრდის მამა დავით სარალიძე ღია პლატფორმაში შემავალ ხუთ ოპოზიციურ პარტიას ხვდება. ინფორმაციას 1tv ავრცელებს.
შეხვედრას ასევე ესწრება ნაციონალური მოძრაობაც. შეხვედრის თემა ხორავას ქუჩაზე მოზარდების მკვლელობის საქმეა. დავით სარალიძემ ყურადღება იმ მოზარდებზე გაამახვილა, რომლებიც ჩხუბში მონაწილეობდნენ და ჩვენებები აქვთ მიცემული.
2017 წლის 1 დეკემბერს თბილისის ცენტრში, ვერაზე ორი არასრულწლოვანი დავით სარალიძე და ლევან დადუნაშვილი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე – მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა.
შინაგან საქმეთა სამინისტროს ინფორმაციით, ხორავას ქუჩის ინციდენტის გამო 2001 წელს დაბადებული პირი განზრახ მკვლელობის ბრალდებით 2 დეკემბერს დააკავეს.
